في مرة كنت بشوف ناشيونال جيوجرافيك مش فاكر او قناة تانية كانوا بيعرضوا فيلم وثائقي عن مقبرة توت عنخ امون .. ويا سلام كده على المنظر والكاميرا نازلة في الممر الضيق اللي هو سلم المقبرة وبعدين تلاقي حجرة صغيرة 4 متر في 3 متر اصغر من حمامكم ورسومات على الحيطان وارض تراب .. وطبعا زمان قبل نقل الاثار كانت حق (بضم الحاء) ما تعرفش تعدي فيها بجنبك حتى من الزنقة .. طبعا حاجه مفخرة وممتازة وترفع الراس ..
وطبعا كما هو معلوم للجميع ان الاخ توت الليه يرحمه ويبشبش المسمار اللي ساند جمجمته في المتحف كان اغنى فرعون لاقيناه لحد دلوقتي .. وكان اسم الله على مقامكم ملك كده ملو هدومه ومات وهو ملك وكان عندهم قرشينات حلوة تقدر تبني قبر فخيم ابن ناس ومصر يمكن كل اللي كان عايش فيها 20 - 30 نفر مثلا .. يعني الاراضي ما شاء الله لا لسه نواب خدوها ولا الوليد شفط منها شوية .. فكان ممكن يكون قبره شرح وبرح
بس لا .. هم كانوا عارفين انهم بيموتوا ومقتنعين بده كمان (شفت الهبل) ال ايه ملك بيموت وبيدفنوه في حق محندق كده ويرموله فيه شوية الدهب اللي حيلته وبتاع
... لكن بقى فخامة سيادة حضرة المخلوع بقى ولا ياكل معاه الكلام ده وان الانسان بيموت خالص اساسا -وطبعا دي حقيقة علمية ان الرؤساء مش بيموتوا كما هو معلوم- فهو سعادته ما بناش في الاول مقبرة لحد ما حفيده -الله يرحمه- مات وفعلا اكتشفوا ان ما عندهمش مقبرة .. يا خبر ابيض .. دا احنا -ممكن- هنموت ومش هنلاقي حته تلمنا.
فطبعا قرر فخامة سيادة حضرة المخلوع يعمل مقبرة تليق بخامته .. عادي يا سيدي من حقه طبعا .. نجيبلنا حتة ارض 100 متر كده نعملها سور ونحفر حفرة نتاوى فيها وربنا يرحمنا .. صح؟؟
لا طبعا .. ما تليقش بخامته خالص طبعا .. ما هو مش اقل من خوفومثلا .. راح الباشا جاب حتة ارض 1500 متر ليها اربع بوابات حديد فخيمة ومبنى ارتفاعه 300 متر -مش عارف قبر ازاي بقى ارتفاعه 300 متر- وفيها ايه يا سيدي .. عد معايا..
- صالات لتقبل العزاء
- استراحات
- ساحة لانتظار السيارات لها مدخلان بأبواب حديدية
- كسيت الأرضيات بالبلاط
- أسوار شاهقة تعلوها كشافات إضاءة كبيرة
- بنيت الأسوار والمداخل الخارجية من الطوب الوردي
- كل مقبرة لها بوابة حديدية ضخمة عليها زجاج عاكس للرؤية
- غرست أمامها أشجار ونباتات الزينة
- تكسو أرضية المقبرة سجاد إيراني أحمر اللون
- جدرانها من الرخام الطارد للذباب
- حجرة الاستقبال يوجد فيها 3 "أنتريهات" من الجلد الأمريكي الصنع
- صالون مذهب أثري يرجع إلى عهد الأسرة العلوية
- "تواليت" مكسو بالبورسلين الأسود، وفيه "بانيو"
- تليفون دولي
- إضافة إلى حديقة صغيرة جدًّا خارج المقبرة
وتكلفت 15 مليون جنيه
اه فعلا .. كل ده واتكلفت 15 مليون بس يا بلاش .. بس تقريبا هو ما كانش ناوي يروح يموت .. ده شغل واحد ناوي يروح يتابعنا من جديد ويتصل بالدول التانية كمان
عموما بجد ربنا يرحم الجميع وللكل يفهم بقى انه هيموت زي الملك توت واسيبكم بقى مع فيديوهات للمقبرة من جوه ومن بره ايام ما كانت المقاولون العرب بيبنوها
وده تعليق المسلماني على الموضوع ده
وطبعا كما هو معلوم للجميع ان الاخ توت الليه يرحمه ويبشبش المسمار اللي ساند جمجمته في المتحف كان اغنى فرعون لاقيناه لحد دلوقتي .. وكان اسم الله على مقامكم ملك كده ملو هدومه ومات وهو ملك وكان عندهم قرشينات حلوة تقدر تبني قبر فخيم ابن ناس ومصر يمكن كل اللي كان عايش فيها 20 - 30 نفر مثلا .. يعني الاراضي ما شاء الله لا لسه نواب خدوها ولا الوليد شفط منها شوية .. فكان ممكن يكون قبره شرح وبرح
بس لا .. هم كانوا عارفين انهم بيموتوا ومقتنعين بده كمان (شفت الهبل) ال ايه ملك بيموت وبيدفنوه في حق محندق كده ويرموله فيه شوية الدهب اللي حيلته وبتاع
... لكن بقى فخامة سيادة حضرة المخلوع بقى ولا ياكل معاه الكلام ده وان الانسان بيموت خالص اساسا -وطبعا دي حقيقة علمية ان الرؤساء مش بيموتوا كما هو معلوم- فهو سعادته ما بناش في الاول مقبرة لحد ما حفيده -الله يرحمه- مات وفعلا اكتشفوا ان ما عندهمش مقبرة .. يا خبر ابيض .. دا احنا -ممكن- هنموت ومش هنلاقي حته تلمنا.
فطبعا قرر فخامة سيادة حضرة المخلوع يعمل مقبرة تليق بخامته .. عادي يا سيدي من حقه طبعا .. نجيبلنا حتة ارض 100 متر كده نعملها سور ونحفر حفرة نتاوى فيها وربنا يرحمنا .. صح؟؟
لا طبعا .. ما تليقش بخامته خالص طبعا .. ما هو مش اقل من خوفومثلا .. راح الباشا جاب حتة ارض 1500 متر ليها اربع بوابات حديد فخيمة ومبنى ارتفاعه 300 متر -مش عارف قبر ازاي بقى ارتفاعه 300 متر- وفيها ايه يا سيدي .. عد معايا..
- صالات لتقبل العزاء
- استراحات
- ساحة لانتظار السيارات لها مدخلان بأبواب حديدية
- كسيت الأرضيات بالبلاط
- أسوار شاهقة تعلوها كشافات إضاءة كبيرة
- بنيت الأسوار والمداخل الخارجية من الطوب الوردي
- كل مقبرة لها بوابة حديدية ضخمة عليها زجاج عاكس للرؤية
- غرست أمامها أشجار ونباتات الزينة
- تكسو أرضية المقبرة سجاد إيراني أحمر اللون
- جدرانها من الرخام الطارد للذباب
- حجرة الاستقبال يوجد فيها 3 "أنتريهات" من الجلد الأمريكي الصنع
- صالون مذهب أثري يرجع إلى عهد الأسرة العلوية
- "تواليت" مكسو بالبورسلين الأسود، وفيه "بانيو"
- تليفون دولي
- إضافة إلى حديقة صغيرة جدًّا خارج المقبرة
وتكلفت 15 مليون جنيه
اه فعلا .. كل ده واتكلفت 15 مليون بس يا بلاش .. بس تقريبا هو ما كانش ناوي يروح يموت .. ده شغل واحد ناوي يروح يتابعنا من جديد ويتصل بالدول التانية كمان
عموما بجد ربنا يرحم الجميع وللكل يفهم بقى انه هيموت زي الملك توت واسيبكم بقى مع فيديوهات للمقبرة من جوه ومن بره ايام ما كانت المقاولون العرب بيبنوها
وده تعليق المسلماني على الموضوع ده
ليست هناك تعليقات:
إرسال تعليق