حاجه غريبة جدا .. تحس ان الناس ما بتصدق اي قصة وتشبع فيها هري
يعني المنتخب يكسب تلاقي الدنيا كلها كورة .. منتجات على اعلانات وبرامج واغاني على اي هبل وخلاص وفوانيس
شوية وتلاقي شعبان عبد الرحيم سمّع مع الناس .. يبقى سناكس اسمه شعبولا وناس تقلده وحلويات وفانوس
شوية وتبقى الموضة كرومبو .. وده بقى لبان على سناكس على اي عفريت ازرق وفانوس برضو
يا راجل يا مؤمن دا انا لقيت سناكس ما اعرفش واللا شيبسي اسمه زهرة وازواجها الخمسة وعليه صورة اسم الله عليها زهرة وحواليها الانطاع الخمسة اللي كانوا بيهوهووا عليها طول المسلسل .. ما علينا خلينا في موضوعنا
ده كله مبلوع ووراه كمان شوب عصير قصب ..
بس اللي يجنن بقى ويفرسك ويحسسك انك عايز الناس دي عجلة انتاجهم تقف عندهم وعلى راي الخالدة أطاطا لا يربح ولا يخسر ويفضل في الاوفسايد كده انهم بقى بيتاجروا بالثورة .. عادي خالص .. يتاجروا بالثورة وبالشهداء كمان وباهاليهم
الثورة كانت لسه شغالة وتبص تلاقي كليبات بتغني للثورة ومتصورة جوه الميدان (طبعا لا اقصد الكليبات اللي كانت بتدعم الثورة) انا اقصد الاغاني اللي كانت معمولة علشان تتعمل رنات واديها فلوس على حساب سبوبة الثورة
دا كمان في منتجين ومخرجين بدأوا يصوروا افلام على حس الثورة واحنا لسه مش عارفين هي واخدانا لفين وعلى راي كاتب مقال في مصراوي مش بعيد تلاقي الابطال طلعت زكريا وسماح انور ومن عندي يمكن عفاف شعيب كمان
طب دول بقى كوم واعلانات المنتجات اللي على حس الثورة كوم تالت .. بص يا سيدي
لحاف الثورة:
جايبلك ست غريبة الشكل بتصحي جوزها اللي اغرب منها وهو يقولها سيبيني انا معتصم تحت لحاف الثورة اللي على شكل علم مصر
دا كان ناقص يا راجل يقولك في نهاية الاعلان ان اللي مش هيشتري اللحاف هيبقى من الثورة المضادة
جايبلك مزايا الموبايل اللي مسممينه موبايل الثورة بنفس طريقتهم السمجة ويقولك تخش منه على فيسبوك (مهد الثورة طبعا) علشان تتعرف على ثوار التحرير على اثاث ان لو جبت موبايل غيره هيدخلك على مصطفى محمود
أيس كريم المصري
طبعا ايس كريم نازل اسمه المصري وطبعا علشان الاعلان لازم يقولك المصريين هيتغيروا جايبلك ايه التغير اللي عند الاطفال نتيجة الثورة .. فتلاقي مثلا اللي مش هيضرب صاحبه واللي مش هيرمي زبالة واللي هيضحك .. ماشي .. ظريف ... بس اللي حرق دمي ان في طفل علشان مصري مش هييقول للبامية يعععع .. طب ايه علاقة الهوية بالاهواء يا عالم يا سخيفة .. يعني انا ما بحبش العدس مثلا يبقى كده مشكوك في مصريتي؟؟ .. الخلاصة انها برضو وسيلة رخيصة للتجارة بالثورة
وطبعا في كتير من الاعلانات اللي مليانة احمر في ابيض في اسود وعايشة دور الوطنية لا لشئ الا لانهم تجار الثورة
انا شغلي في مجال الاعلان وعارف ان المعلن الشاطر هو اللي يقدر يسوق منتجه بشكل لطيف .. بس بجد عيب اوي اننا نرخص من الثورة والشهداء بالشكل ده .. بشكل يجعلها سبوبة للبعض
وفي الموضوع ده ابدع المبدع عمرو قطامش لما انتقد تجار الثورة في شعره الحلامنتيشي وقدم اسكتش اكتر من رائع اسيبكم معاه
يعني المنتخب يكسب تلاقي الدنيا كلها كورة .. منتجات على اعلانات وبرامج واغاني على اي هبل وخلاص وفوانيس
شوية وتلاقي شعبان عبد الرحيم سمّع مع الناس .. يبقى سناكس اسمه شعبولا وناس تقلده وحلويات وفانوس
شوية وتبقى الموضة كرومبو .. وده بقى لبان على سناكس على اي عفريت ازرق وفانوس برضو
يا راجل يا مؤمن دا انا لقيت سناكس ما اعرفش واللا شيبسي اسمه زهرة وازواجها الخمسة وعليه صورة اسم الله عليها زهرة وحواليها الانطاع الخمسة اللي كانوا بيهوهووا عليها طول المسلسل .. ما علينا خلينا في موضوعنا
ده كله مبلوع ووراه كمان شوب عصير قصب ..
بس اللي يجنن بقى ويفرسك ويحسسك انك عايز الناس دي عجلة انتاجهم تقف عندهم وعلى راي الخالدة أطاطا لا يربح ولا يخسر ويفضل في الاوفسايد كده انهم بقى بيتاجروا بالثورة .. عادي خالص .. يتاجروا بالثورة وبالشهداء كمان وباهاليهم
الثورة كانت لسه شغالة وتبص تلاقي كليبات بتغني للثورة ومتصورة جوه الميدان (طبعا لا اقصد الكليبات اللي كانت بتدعم الثورة) انا اقصد الاغاني اللي كانت معمولة علشان تتعمل رنات واديها فلوس على حساب سبوبة الثورة
دا كمان في منتجين ومخرجين بدأوا يصوروا افلام على حس الثورة واحنا لسه مش عارفين هي واخدانا لفين وعلى راي كاتب مقال في مصراوي مش بعيد تلاقي الابطال طلعت زكريا وسماح انور ومن عندي يمكن عفاف شعيب كمان
طب دول بقى كوم واعلانات المنتجات اللي على حس الثورة كوم تالت .. بص يا سيدي
لحاف الثورة:
جايبلك ست غريبة الشكل بتصحي جوزها اللي اغرب منها وهو يقولها سيبيني انا معتصم تحت لحاف الثورة اللي على شكل علم مصر
دا كان ناقص يا راجل يقولك في نهاية الاعلان ان اللي مش هيشتري اللحاف هيبقى من الثورة المضادة
موبايل الثورة:
جايبلك مزايا الموبايل اللي مسممينه موبايل الثورة بنفس طريقتهم السمجة ويقولك تخش منه على فيسبوك (مهد الثورة طبعا) علشان تتعرف على ثوار التحرير على اثاث ان لو جبت موبايل غيره هيدخلك على مصطفى محمود
أيس كريم المصري
طبعا ايس كريم نازل اسمه المصري وطبعا علشان الاعلان لازم يقولك المصريين هيتغيروا جايبلك ايه التغير اللي عند الاطفال نتيجة الثورة .. فتلاقي مثلا اللي مش هيضرب صاحبه واللي مش هيرمي زبالة واللي هيضحك .. ماشي .. ظريف ... بس اللي حرق دمي ان في طفل علشان مصري مش هييقول للبامية يعععع .. طب ايه علاقة الهوية بالاهواء يا عالم يا سخيفة .. يعني انا ما بحبش العدس مثلا يبقى كده مشكوك في مصريتي؟؟ .. الخلاصة انها برضو وسيلة رخيصة للتجارة بالثورة
وطبعا في كتير من الاعلانات اللي مليانة احمر في ابيض في اسود وعايشة دور الوطنية لا لشئ الا لانهم تجار الثورة
انا شغلي في مجال الاعلان وعارف ان المعلن الشاطر هو اللي يقدر يسوق منتجه بشكل لطيف .. بس بجد عيب اوي اننا نرخص من الثورة والشهداء بالشكل ده .. بشكل يجعلها سبوبة للبعض
وفي الموضوع ده ابدع المبدع عمرو قطامش لما انتقد تجار الثورة في شعره الحلامنتيشي وقدم اسكتش اكتر من رائع اسيبكم معاه
ليست هناك تعليقات:
إرسال تعليق