من امبارح وانا قاعد مخنوق بسبب بالونة اختبار جديدة اترمت في وشنا مفادها ان مبارك بيطلب العفو من الشعب ويرجع الفلوس اللي خدها او بمعنى اصح سرقها مقابل العفو عنه هو اسرته ويا دار ما دخلك شر وربنا غفور رحيم ويا بخت من قدر وعفي وامور المسكنة دي اللي ما بتظهرش الا لما الحبل يزنق على الرقبة ..
مش هتكلم عن سبب طرح الموضوع من اساسه ولا السكوت عن ان الموضوع هيبقى حديث صوتي في وكالات الانباء والقنوات من شخص المفروض انه مسجون رهن التحقيق .. ولا هتكلم هو على اي اساس لسه في المستشفى ولا اي كلام اتهرى مناقشة
انا بس عايز اعرف هو بأمارة ايه فاكر ان بجد في حد عاقل بخلاف بعض الكائنات الزبايدرية ممكن يسامحه .. طب هو ساب ايه لنفسه كجميل في رقبتنا نفتكرهوله؟؟؟؟!!!!
هنسامحة على السرطان اللي هرى ابدان المصريين وان مافيش بيت في مصر فيه واحد او على الاقل يعرف واحد جاله المرض ده؟ - ربنا يعافي الجميع-
واللا هنسامحه على الحوادث اللي على الطريق كل يوم وكان الطريق بقى زي صاعق الناموس اللي عمال يصطاد؟
طب نسامحه على العبارة اللي غرقت وعليها اغلب الغلابة اللي في مصر اللي هجوا من القرف اللي شايفينه هنا وهو يومها راح تدريب المنتخب على اعتبار الاولويات للكورة؟ وتبرئة قضاءه لممدوح اسماعيل
واللا هنسامحه على انه يوم ما جاب سيرة العبارة جاب سيرتها وهو بيتريق على العبارات اللي بتغرق؟
نسامحة على الاكل والقمح الفاسدين اللي حتى البهايم ما تقدرش تستحمله ولا تطيقه؟
طب والادوية ولبن الاطفال المغشوش .. الاطفال اللي بقى ليهم مستشفيات مالية البلد علشان تعالجهم من الامراض اللي اتسبب فيها عهدة الميمون؟
هنسامحه على القطر اللي اتحرق في طريق الصعيد وحتى ما هانش عليه وقتها يشيل الوزير والوزير استقال من نفسه وقالوا في النهاية المشكلة في جاموسة؟
خلينا نسامحه على الصخرة اللي وقعت على غلابة مصر في الدويقة واللي هو واللي معاه كانوا عارفين انها هتقع بس عادي كلاب وراحوا
مسرح بني سويف اللي ولع بالناس اللي فيه وفضل فاروح حسني بتاع الست في مطرحه علشان شعب ما يسواش .. نسامحه برضو؟
نسامحه علشان عمل لنا جهاز امن دولة كان همه الاهم تعذيب وترويع الناس والظلم ليل نهار؟؟
طب والاف القضايا اللي اتلفقت للناس علشان بس بيقولوا رايهم واحيانا بيبقوا من غير راي بس حظهم العاثر جابهم في وش حد من الشلة الميمونة
وبعدين نسامحه على العمارات اللي كانت بتقع كل شوية علشان فساد الاحياء والمجالس المحلية؟؟
طبعا كل اللي فات ده نقطة في بحر كوارث كتير كانت قبل الثورة ..
طب وهنسامحه على كل التجاوزات اللي في الثورة من دهس وقتل وترويع وحرايق
ده على المستوى العام .. طب على المستوى الشخصي انا اتعرضت لظلم كتير .. وحقي ما اقبلش اسامحه
- تم اعتقالي وتعذيبي لمدة 5 ايام في 2001
- تم اعتقالي وتعذيبي لمدة 45 يوم في مدينة نصر في 2002
- تم عتقالي لمدة 9 أشهر خلال 2002 - 2003
- تم ترسيبي في مادتين في العام الاخير بالجامعة لحرماني من تقديري.
- تم اعتقالي لمدة يومين في 2010 اثناء وجود بنتي في الحضّانة وزوجتى في تعب الولادة.
- خسرت 5 من ضروسي نتيجة الضرب والتعذيب
- ظللت لسنوات اقوم من نومي مفزوعاً نتيجة ما حدث لي في مدينة نصر.
- حاربني امن الدولة في عملي فلم يتم الموافقة على كثير من الوظائف التي تقدمت لها بشركات كبيرة.
- كان يتم عرقلة الاجراءات وانا في طريقي للسفر
- اهلي كانوا بيهزقوني بناءا على غسيل المخ اللي كان بيعمله المتميز سيد علي على اساس اننا شوية عيال زبالة عايزين نحرق البلد.
- مراتي وبنتي كانوا بتفزعوا ليالي كتير من صوت الرصاص والنداءات اللي في الشارع ايام الانفلات الامني.
ده جزء من كل انا حسيت بيه لكن دول اكتر اشياء اثرت فييا بشكل كبير وسايبة اثار نفسية بشعة عندي
طب يبقى اسامحه ليه .. ولو سامحته على المستوى الشخصي ازاي اسامحه على الناس اللي ماتت ..
هو واللي زيه فاكرين الموضوع موضوع فلوس فهو هيرجعلنا فلوسنا مقابل العفو .. وهو حد فهم فخامته اننا عملنا الثورة علشان الاكل والشرب؟؟ .. لا
احنا عملنا الثورة علشان كرامتنا اتمرمطت في عهدة الميمون ولن نقبل باقل من ان كرامته تتبعطر هو واللي كانوا معاه اللي كانوا بيتلذذوا بمرمطتنا
بجد حسبي الله ونعم الوكيل في اي حد يفكر يسامح الناس دي
مش هتكلم عن سبب طرح الموضوع من اساسه ولا السكوت عن ان الموضوع هيبقى حديث صوتي في وكالات الانباء والقنوات من شخص المفروض انه مسجون رهن التحقيق .. ولا هتكلم هو على اي اساس لسه في المستشفى ولا اي كلام اتهرى مناقشة
انا بس عايز اعرف هو بأمارة ايه فاكر ان بجد في حد عاقل بخلاف بعض الكائنات الزبايدرية ممكن يسامحه .. طب هو ساب ايه لنفسه كجميل في رقبتنا نفتكرهوله؟؟؟؟!!!!
هنسامحة على السرطان اللي هرى ابدان المصريين وان مافيش بيت في مصر فيه واحد او على الاقل يعرف واحد جاله المرض ده؟ - ربنا يعافي الجميع-
واللا هنسامحه على الحوادث اللي على الطريق كل يوم وكان الطريق بقى زي صاعق الناموس اللي عمال يصطاد؟
طب نسامحه على العبارة اللي غرقت وعليها اغلب الغلابة اللي في مصر اللي هجوا من القرف اللي شايفينه هنا وهو يومها راح تدريب المنتخب على اعتبار الاولويات للكورة؟ وتبرئة قضاءه لممدوح اسماعيل
واللا هنسامحه على انه يوم ما جاب سيرة العبارة جاب سيرتها وهو بيتريق على العبارات اللي بتغرق؟
نسامحة على الاكل والقمح الفاسدين اللي حتى البهايم ما تقدرش تستحمله ولا تطيقه؟
طب والادوية ولبن الاطفال المغشوش .. الاطفال اللي بقى ليهم مستشفيات مالية البلد علشان تعالجهم من الامراض اللي اتسبب فيها عهدة الميمون؟
هنسامحه على القطر اللي اتحرق في طريق الصعيد وحتى ما هانش عليه وقتها يشيل الوزير والوزير استقال من نفسه وقالوا في النهاية المشكلة في جاموسة؟
خلينا نسامحه على الصخرة اللي وقعت على غلابة مصر في الدويقة واللي هو واللي معاه كانوا عارفين انها هتقع بس عادي كلاب وراحوا
مسرح بني سويف اللي ولع بالناس اللي فيه وفضل فاروح حسني بتاع الست في مطرحه علشان شعب ما يسواش .. نسامحه برضو؟
نسامحه علشان عمل لنا جهاز امن دولة كان همه الاهم تعذيب وترويع الناس والظلم ليل نهار؟؟
طب والاف القضايا اللي اتلفقت للناس علشان بس بيقولوا رايهم واحيانا بيبقوا من غير راي بس حظهم العاثر جابهم في وش حد من الشلة الميمونة
وبعدين نسامحه على العمارات اللي كانت بتقع كل شوية علشان فساد الاحياء والمجالس المحلية؟؟
طبعا كل اللي فات ده نقطة في بحر كوارث كتير كانت قبل الثورة ..
طب وهنسامحه على كل التجاوزات اللي في الثورة من دهس وقتل وترويع وحرايق
ده على المستوى العام .. طب على المستوى الشخصي انا اتعرضت لظلم كتير .. وحقي ما اقبلش اسامحه
- تم اعتقالي وتعذيبي لمدة 5 ايام في 2001
- تم اعتقالي وتعذيبي لمدة 45 يوم في مدينة نصر في 2002
- تم عتقالي لمدة 9 أشهر خلال 2002 - 2003
- تم ترسيبي في مادتين في العام الاخير بالجامعة لحرماني من تقديري.
- تم اعتقالي لمدة يومين في 2010 اثناء وجود بنتي في الحضّانة وزوجتى في تعب الولادة.
- خسرت 5 من ضروسي نتيجة الضرب والتعذيب
- ظللت لسنوات اقوم من نومي مفزوعاً نتيجة ما حدث لي في مدينة نصر.
- حاربني امن الدولة في عملي فلم يتم الموافقة على كثير من الوظائف التي تقدمت لها بشركات كبيرة.
- كان يتم عرقلة الاجراءات وانا في طريقي للسفر
- اهلي كانوا بيهزقوني بناءا على غسيل المخ اللي كان بيعمله المتميز سيد علي على اساس اننا شوية عيال زبالة عايزين نحرق البلد.
- مراتي وبنتي كانوا بتفزعوا ليالي كتير من صوت الرصاص والنداءات اللي في الشارع ايام الانفلات الامني.
ده جزء من كل انا حسيت بيه لكن دول اكتر اشياء اثرت فييا بشكل كبير وسايبة اثار نفسية بشعة عندي
طب يبقى اسامحه ليه .. ولو سامحته على المستوى الشخصي ازاي اسامحه على الناس اللي ماتت ..
هو واللي زيه فاكرين الموضوع موضوع فلوس فهو هيرجعلنا فلوسنا مقابل العفو .. وهو حد فهم فخامته اننا عملنا الثورة علشان الاكل والشرب؟؟ .. لا
احنا عملنا الثورة علشان كرامتنا اتمرمطت في عهدة الميمون ولن نقبل باقل من ان كرامته تتبعطر هو واللي كانوا معاه اللي كانوا بيتلذذوا بمرمطتنا
بجد حسبي الله ونعم الوكيل في اي حد يفكر يسامح الناس دي
طبعًا مفيش حد طبيعى ممكن يوافق على موضوع العفو دا عنه و عن أى حد من عصابته ، اللى حيوافق بس اللى كانوا منتفعين من الفساد ، وبالنسبة لك فربنا يجعل كل ما عانيته فى ميزان حسناتك ، إن شاء الله ، وكلنا لنا حق ومش حنسيبه .
ردحذف