سمعت اللي حصل؟؟
ايه يا ابني؟؟
عبير اتحبست 15 يوم في سجن القناطر
طب ما هي كانت محبوسة يا ابني
وماله
طب واللي كانوا حابسينها؟
ايه؟
اللي كانوا حابسينها؟؟
الو الو .. شبكة زبالة
ـــــــــــــــــــــــــــــــــــــــــــــــــــــــــــــــ
مش طلع اللي حرق الكنيسة وولع امبابة مش السلفيين؟
يا راجل؟
اه والله
امال طلع مين؟
امين الحزب الوطني في امبابة
امال التهمة لابسة السلفيين ليه؟
ايه؟
التهمة لابسة السلفيين ليه؟
الو الو .. شبكة زبالة
ــــــــــــــــــــــــــــــــــــــــــــــــــــــ
مش ابراهيم كامل اخذ براءة؟؟
براءة من ايه؟
من تهمة البلطجة والمسئولية عن ميدان التحرير
اومال الجيش طلع بيان يدينه على اساس ايه؟؟ وهاجم التحرير ليه؟؟
ايه؟
اومال الجيش طلع بيان يدينه على اساس ايه؟؟ وهاجم التحرير ليه؟؟
الو الو .. شبكة زبالة
ــــــــــــــــــــــــــــــــــــــــــــــــــــــ
مافيش حاجه تورط سوزان مبارك في مخالفات القراءة للجميع
ازاي ده؟
التحقيقات ما اثبتتش حاجه
طب ما الارصدة كانت باسمها وهي المسئولة عن المشروع
ايه؟
طب ما الارصدة كانت باسمها وهي المسئولة عن المشروع
الو الو .. شبكة زبالة
ــــــــــــــــــــــــــــــــــــــــــــــــــــــ
بيقولك السباعي اتعزل بس مش بيتحقق معاه
ازاي الكلام ده؟
اه والله فريد حشيش صرح بكده
طب والتزوير اللي في التقارير؟
ايه؟
التزوير اللي في التقارير؟
الو الو .. شبكة زبالة
ــــــــــــــــــــــــــــــــــــــــــــــــــــــ
بيقولك عايزين العمال يضربوا من غير ما يوقفوا الانتاج
طب اضراب يعني توقف العمل
ساعتها هيتسجنوا ويتغرموا كمان؟
طيب يطالبوا بحقوقهم ازاي؟
ايه؟
يطالبوا بحقوقهم ازاي؟
الو الو .. شبكة زبالة
ــــــــــــــــــــــــــــــــــــــــــــــــــــــ
الشرطة راحت تقبض على واحد مالاقوهوش خدوا اخته الحامل
خدوها ليه؟
علشان يجبروه يسلم نفسه
هم مش قالوا امن الدولة مشي؟؟
ايه؟
هم مش قالوا امن الدولة مشي؟؟
الو الو .. شبكة زبالة
ألو الو .. هااااااا .. سمعه تقييييييييييل
ردحذفهايل جدا يا محمد