عنوان غريب .. لكن معلش استحملني واقرا للاخر وهتفهم ايه معناه
لسه الاعلام برضو ديله نجس .. يموت الزمار (ده لو كان مات) وصوابعه بتلعب .. تحس كده ان اللي قعدوا يكتبوا او بمعنى اصح يكذبوا فوق الـ30 سنة ويفبركوا ويأفلموا مش قادرين ينظفوا ..
اعذروهم برضوا يا اخوانا غصب عنهم .. ده اللي بيقعد يومين يلعب ماتشات برو ايده بتتسستم على وضعية الجيم باد
انا ليه بقول البقين دووول؟؟؟
انا بقول كده علشان الاعلام المباركي (نسبة الى مبارك) لسه بيلعب بنفس الوساخة بتاعته وبيحاول يعمل عفاريت جديدة وفزاعات اس تخليهم يقولوا ولا يوم من ايامك يا مبارك
ما هم زمان عملولنا شوية عفاريت كده حلوين خلونا نسخبى ونقول للامن الحقونا وانفخونا المهم تحوشوا عنا العفاريت دي فيقوم الامن يتشمل وينفخ العفاريت دي وينفخنا معاهم بالمرة وتبقى دي حجته في تسجيل المكالمات والتجسس والاعتقالات وخلافه
زمان عملوا فزاعة الاخوان في زمن عبد الناصر ونفخوا كتير على حس الموضوع ده الشيوعيين في عهد السادات وشوية دخلوا معاها الجماعات الاسلامية والارهاب وفي الزمن اللي بعد كده الفزاعات بقت برضو الاسلاميين وان الارهاب مغرق البلد واشي تفجيرات في شرم وفي اسكندرية وافلام من دي وفي الاخر طلع الموضوع فكسان وامن الدولة الهمام هو اللي بيصور الفيلم ويخرجه ويقيمه ويروح على حسه وينفخله شويه حلوين كان اخرهم سيد بلال الله يرحمه
اليومين دول بقى الفيلم الجديد اللي الاعلام الظريف بيعمله هو قصة السلفيين المرعبين اللي ماشيين في الشوارع بياكلوا العيال الصغيرين والكبار كمان وتبص تلاقي اربع خمس سلفيين ماشيين في الشارع بجلاليبهم البيضا اللي مليانه دم وضوافر طويلة واثر الدم عليها وعلى دقونهم والناس بقى المفروض تتاثر وتقولك شوفت بقى الثورة واللي جابتهولنا .. فينك يا مبارك
اخر قصة للسلفيين المرعبين موضوع الترويج انهم هينزلوا التلات اللي فات 30/3/2011 يقفوا في الشارع يضربوا ويعوروا ويشوهوا اللي مش محجبات والناس اتكلمت وبعتت لبعض رسايل والبرامج سيحت للموضوع والدعوة السلفية طلعت وقالت يا جماعة وربنا احنا مش بناكل عيال صغيرة وبرضوا مافيش فايدة ..
المهم اليوم عدى وما لقيناش بنات اتاكلت ولا حاجه الحمد لله
طب ليه انا بتكلم في الموضوع ده .. انا بتكلم بعد ما قريت مقال مرعب في الوفد http://ow.ly/4pUrC بيتكلم على ان الصحف القومية المحررين فيها خدوا اوامر بتشويه صورة الاسلاميين وترويج اشاعات عنهم علشان تتهز صورة الثورة .. مش بس كده دا انا لقيت الاف التويتات على تويتر كلها بتتكلم في نفس القصة وبتشتم فيهم على اساس الاخبار دي
اينعم في شوية حوادث خيبانة كده حصلت من بعض المنتسبين للسلفية لكن اكيد ده مش قاعدة عامة خصوصا بعد ما شفنا السلفيين الحقيقيين اللي كانوا في التحرير واللي كانوا بصراحة ناس محترمة
وعلى فكرة موضوع السلفيين ده لو فكس هنبص نلاقي الاعلام عمل لنا قصة تانية ولتكن مثلا عملاء فودافون .. هتبص تلاقي عناوين الاخبار كالتالي:
- عميل لفودافون يضرب فتاة اتصالاتية لانها وضعت نغمة لا تعجبه
- التحقيقات تثبت ان من اعتدى على البرادعي هم عملاء لفودافون اعتراضا على توزيعه كروت شحن موبينيل
- الفودافونييون يعلنون اعتزامهم الترشح في الانتخابات القادمة لنشر فكرهم البلطجي
وكتير من الامثلة اللي ممكن نقعد نتكلم فيها للصبح .. والقصد ان الاعلام ده لازم ينضف بقى ونخلص من اعلام التفرقة اللي اتربى على ايد نظام كان عبقري في كيفية تفريق اعداءه عن طريق حروب قذرة
لسه الاعلام برضو ديله نجس .. يموت الزمار (ده لو كان مات) وصوابعه بتلعب .. تحس كده ان اللي قعدوا يكتبوا او بمعنى اصح يكذبوا فوق الـ30 سنة ويفبركوا ويأفلموا مش قادرين ينظفوا ..
اعذروهم برضوا يا اخوانا غصب عنهم .. ده اللي بيقعد يومين يلعب ماتشات برو ايده بتتسستم على وضعية الجيم باد
انا ليه بقول البقين دووول؟؟؟
انا بقول كده علشان الاعلام المباركي (نسبة الى مبارك) لسه بيلعب بنفس الوساخة بتاعته وبيحاول يعمل عفاريت جديدة وفزاعات اس تخليهم يقولوا ولا يوم من ايامك يا مبارك
ما هم زمان عملولنا شوية عفاريت كده حلوين خلونا نسخبى ونقول للامن الحقونا وانفخونا المهم تحوشوا عنا العفاريت دي فيقوم الامن يتشمل وينفخ العفاريت دي وينفخنا معاهم بالمرة وتبقى دي حجته في تسجيل المكالمات والتجسس والاعتقالات وخلافه
زمان عملوا فزاعة الاخوان في زمن عبد الناصر ونفخوا كتير على حس الموضوع ده الشيوعيين في عهد السادات وشوية دخلوا معاها الجماعات الاسلامية والارهاب وفي الزمن اللي بعد كده الفزاعات بقت برضو الاسلاميين وان الارهاب مغرق البلد واشي تفجيرات في شرم وفي اسكندرية وافلام من دي وفي الاخر طلع الموضوع فكسان وامن الدولة الهمام هو اللي بيصور الفيلم ويخرجه ويقيمه ويروح على حسه وينفخله شويه حلوين كان اخرهم سيد بلال الله يرحمه
اليومين دول بقى الفيلم الجديد اللي الاعلام الظريف بيعمله هو قصة السلفيين المرعبين اللي ماشيين في الشوارع بياكلوا العيال الصغيرين والكبار كمان وتبص تلاقي اربع خمس سلفيين ماشيين في الشارع بجلاليبهم البيضا اللي مليانه دم وضوافر طويلة واثر الدم عليها وعلى دقونهم والناس بقى المفروض تتاثر وتقولك شوفت بقى الثورة واللي جابتهولنا .. فينك يا مبارك
اخر قصة للسلفيين المرعبين موضوع الترويج انهم هينزلوا التلات اللي فات 30/3/2011 يقفوا في الشارع يضربوا ويعوروا ويشوهوا اللي مش محجبات والناس اتكلمت وبعتت لبعض رسايل والبرامج سيحت للموضوع والدعوة السلفية طلعت وقالت يا جماعة وربنا احنا مش بناكل عيال صغيرة وبرضوا مافيش فايدة ..
المهم اليوم عدى وما لقيناش بنات اتاكلت ولا حاجه الحمد لله
طب ليه انا بتكلم في الموضوع ده .. انا بتكلم بعد ما قريت مقال مرعب في الوفد http://ow.ly/4pUrC بيتكلم على ان الصحف القومية المحررين فيها خدوا اوامر بتشويه صورة الاسلاميين وترويج اشاعات عنهم علشان تتهز صورة الثورة .. مش بس كده دا انا لقيت الاف التويتات على تويتر كلها بتتكلم في نفس القصة وبتشتم فيهم على اساس الاخبار دي
اينعم في شوية حوادث خيبانة كده حصلت من بعض المنتسبين للسلفية لكن اكيد ده مش قاعدة عامة خصوصا بعد ما شفنا السلفيين الحقيقيين اللي كانوا في التحرير واللي كانوا بصراحة ناس محترمة
وعلى فكرة موضوع السلفيين ده لو فكس هنبص نلاقي الاعلام عمل لنا قصة تانية ولتكن مثلا عملاء فودافون .. هتبص تلاقي عناوين الاخبار كالتالي:
- عملاء لفودافون يهدمون ابراج تقوية شبكة موبينيل
- الفودافونيون يقتلون اتصالاتيا لرفضه تغيير شريحته
- فودافوني متطرف يقطع اذن موبينيلي رفض تحويل رصيد له
- شركة فودافون تعلن الثلاثاء القادم يوما لغزو اتصالات
- فودافونييون وموبينيليون يتعاركون بالاسلحة البيضاء اختلافا على اولوية التحدث
- التحقيقات تثبت ان من اعتدى على البرادعي هم عملاء لفودافون اعتراضا على توزيعه كروت شحن موبينيل
- الفودافونييون يعلنون اعتزامهم الترشح في الانتخابات القادمة لنشر فكرهم البلطجي
وكتير من الامثلة اللي ممكن نقعد نتكلم فيها للصبح .. والقصد ان الاعلام ده لازم ينضف بقى ونخلص من اعلام التفرقة اللي اتربى على ايد نظام كان عبقري في كيفية تفريق اعداءه عن طريق حروب قذرة
ليست هناك تعليقات:
إرسال تعليق